رنيم الوليلي المصنفة الأولى عالميًا في الإسكواش تعلن اعتزالها

أعلنت بطلة الاسكواش المصرية، والمصنفة الأولى عالميًا رنيم الوليلي، اللعبة، في قرار مفاجئ لها دون الكشف عن وجهتها المقبلة.

وأفصحت رنيم صاحبة الـ31 عامًا، عن قرارها ببيان مطول نشرته عبر حسابها الرسمي بتطبيق الصور الشهير "إنستجرام".

طالع | حوار بطولات| بعد لقب الأفضل عالميا.. مصطفى عسل يكشف كواليس انضمامه لـ الأهلي ورسالة الخطيب المشفرة

وقالت: "أعزائى أسرة الإسكواش،، في الكام سنة اللي فاتوا ممكن أكون كتبت الكلمات دي في دماغي يمكن ألف مرة، الإسكواش كان حياتي طوال ٢٥ سنة ودلوقتي جاء الوقت اللي أبدأ فيه صفحة جديدة".

وتابعت: "كانت رحلة جميلة وعمري ما تخيلت إنها تاخدني بعيد كده، كنت محظوظة جداً إنى على مر السنين عاصرت أجيال كتير، منهم أساطير في مصر والعالم، اتعلمت منهم حاجات كتيرة أوي، وسعيدة إني شاركت في فترة من أجمل فترات اللعبة".

وواصلت: "مش مخططة لأي حاجة في الفترة الجاية، لكن الظاهر إنى حركز شوية مع أسرتى الصغيرة، وأتمنى إنى أكون قادرة على مواجهة تحديات الحياة القادمة".

وأشارت: "ممكن أكون بودع منافسات الإسكواش، بس أكيد مش بودع ذكرياته، وصداقاته، وعلاقاته، وأيامه الحلوة، بما فيها النهاردة".

وكانت لاعبة وادي دجلة قد نجحت في حصد عدد كبير من البطولات العالمية، بالإضافة إلى تصدرها التصنيف العالمي لفترات طويلة من بينها شهر مارس المنقضي، للشهر الـ15 على التوالي منذ اعتلائها قمة التصنيف في ديسمبر 2018.