ميدو ينتقد الدوري المصري: "كورة تعبانة".. وما يحدث مع منتخب مصر "بجاحة"

انتقد أحمد حسام ميدو لاعب ومدرب الزمالك الأسبق ومقدم البرامج الرياضية الحالي، بطولة الدوري المصري وتعامل الأندية مع المنتخب الوطني الأول.

وكانت الأيام الماضية قد شهدت توجه الأهلي بطلب إلى الجهاز الفني لمنتخب مصر، بعدم ضم لاعبيه لمعسكر الفراعنة المقبل.

وكتب ميدو عبر حسابه الرسمي بموقع "تويتر": "الموسم المحلي راجع تاني شوية أشخاص اتغيروا لكن نفس منهج الغباء متغيرش منه حاجه شايف إن في محاولة لتذكير الجماهير بمنهج الغباء.. اوعوا تنسوا يالا انت وهو ان احنا فشلة وأغبياء افتكر كويس أنت بتتعامل مع مين!!".

وأضاف: "عندي اقتناع تام إن في تعمد إن الكورة في مصر تفضل منتج رخيص لسبب ما أنا مش عارفه!! لا يمكن يكون اللي بيحصل ده مش متعمد!!".

وأردف: "الموسم هيبدأ من غير أي تغيير في لائحة الانظباط والأخلاق والحاج قاعد على المكنة بيفصل أسابيع الدوري الجديد، والمنتخب بقى بيشحت لاعيبته والإعلام بقى بيبرر للكلام ده عادي!! دي بقى مرحلة جديدة من البجاحة!!".

واستكمل: "أنا كنت فاكر ان ليڤيل إن منتخب مصر يبقى بيشحت لاعيبته جاي بعد ٥٠ سنة وكان عندي أمل كبير إن، إن شاء الله هموت قبل العمر ده لكن إحنا اتطورنا بسرعة جدًا.. الحمد لله إحنا جامدين جدًا".

واستطرد: "غير مقبول لا من الزمالك ولا من الأهلي ولا حتى مارسيليا إنه يساوم المنتخب بلاعيبته وأي حد يطلع في الإعلام يقول غير كده يبقى ضلالي.. الأولوية لمنتخب مصر.. مصر فوق الجميع".

طالع | ثروت سويلم: انضمام لاعبي الأهلي لمعسكر منتخب مصر غير ضروري

وأتم: "والله العظيم نفسي أقاطع الدوري المصري ده كورة تعبانة وملاعب تعبانة ونقل تلفزيوني تعبان ولبس معظم الفرق تعبان ومعظم اللاعيبه بيروحوا عند حلاق واحد!!".