أول تعليق من كريم فؤاد بعد تأكد إصابته بالرباط الصليبي

علق كريم فؤاد، لاعب الفريق الأول لكرة القدم بالنادي الأهلي، على إصابته بقطع في الرباط الصليبي الأمامي خلال مشاركته مع القلعة الحمراء.

وتعرض كريم فؤاد للإصابة خلال مشاركته في مواجهة الأهلي ضد سموحة والتي انتهت بفوز الأحمر بهدف مقابل لا شيء، وحسم التتويج بالدوري المصري، حيث تأكد إصابته بالصليبي عقب خضوعه لأشعة جديدة.

طالع..الأهلي يعلن التشخيص النهائي لإصابة كريم فؤاد

وكتب فؤاد عبر حسابه على "فيس بوك": "كل خسارة دُونَ الجنة، فهي دُون اللهم لك الحمد كما ينبغي لجلال وجهك وعظيم سلطانك، الدنيا دار ابتلاء وشقاء ودايمًا الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها، ودا بيكون إختبار ليك هتعمل إيه في الموقف دا، وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمة أوي مقابل إني اصبر على الابتلاء دا".

وتابع: "انا كان مكتوبلي إصابة في الرباط الصليبي للمرة التانية، بس عندي إحساس تاني خالص مع الإختبار دا، إنه انا في نعمة كبيرة أوي وإن الحمد لله ربنا رزقني باختبار سهل وهين أوي مقابل ابتلاءات ناس تانية أصعب من دا بكتير، وكمان اختبار مش جديد عليا بَعيده للمرة التانية في وقت قصير فهعرف أتعامل معاه بشكل كويس ويمكن أحسن".

وأضاف: "عشان كدا بحمد ربنا إن الابتلاء اللي هاخد عليه أجر كبير وعظيم مش بالصعوبة القاسية اللي توجعني وتهدّني".

وواصل: "أنا بحمد ربنا وراضي ومؤمن جداً، إن ربنا بيحبنا نقرب منه بالعبادات اللي منها الصبر والدعاء الحمد لله مستعد للاختبار ومتحمس".

وأتم: "شوية وقت وهنرجع نحارب من تاني أشوفكم على خير قريب".