شوبير يعلق على أزمة سفر "مؤمن زكريا" إلى الإمارات

علق الإعلامي أحمد شوبير، على أزمة سفر مؤمن زكريا لاعب النادي الأهلي، إلى دولة الإمارات للتسجيل لأحد البرامج المُقرر إذاعتها في شهر رمضان المقبل.

ونشر شوبير، عبر صفحته الرسمية على "فيس بوك": "النهاردة حاجة غريبة جدًا بصراحة خبر الصبح بيقول مؤمن زكريا يسابق الزمن للعودة من الإمارات، مؤمن إلى كان أمبارح في مباراة زاناكو أه والله، المهم وتفاصيل الخبر إنه رايح يصور برنامج تلفيزيوني، وفي نفس الوقت الساعة 7 مساءً تلاقي مؤمن في عزاء شقيق حسام عاشور غفر الله ذنبه، يعني هل يعقل أنه سافر بعد مباراة الأهلي اللى خلصت 9 مساءً يعني غادر القاهرة تقريبًا مش قبل 1 صباحًا والمسافة بين مصر والإمارات 3 ساعات وكمان صور برنامج وكمان رجع ووصل العزاء الساعة 7؟!"

وأضاف: "طبعًا غريبة، القصة بقى وما فيها إن مؤمن راح من شهر صور برنامج مقالب وقال للأهلي إنه رايح عمره وهو كان في الإمارات بيصور البرنامج، لما عرف إنه هيتعاقب لأنه مخدش إذن، لما يتعرض البرنامج قال أقولهم إني مسافر بعد مباراة زاناكو 24 ساعة وراجع عشان أبقى كدة خدت إذن والدنيا تمام المهم جت الصورة دي كشفت كل حاجة".