أعرب عمرو جمال، مهاجم النادي الأهلي، عن سعادته بالفوز بلقب كأس مصر، بعد غياب دام عشر سنوات.

ونجح عمرو جمال في الظهور بشكل جيد في مباراة التتويج بالبطولة المحلية، أمام المصري، إذا شارك في تحويل الهزيمة إلى فوز بتسجيله الهدف الأول وصناعة الثاني فى الخمس دقائق الأخيرة من عمر الشوط الإضافي الثاني.

وقال جمال، عبر حسابه الخاص على موقع التواصل الاجتماعى "إنستجرام": "اتعلمت كتير في النادي واتربيت على مبادئ الكيان وكنت سواء بشارك أو مبشاركش ملتزم الصمت في عز فرحتي أو في عز انكساري لكن ده اللي اتعودت عليه في النادي الأهلي لأن الأهلي هو اللي باقي مش اللعيبة والأهلي من يصنع النجوم".

وأضاف: "أنا بتمنى إن سواء حد جه عليا قبل كدا أو أي حد وقف جمبي إنهم يساعدوني ويقفوا جمبي في الفترة اللي جاية لأن أنا محتاج دعم جمهور الأهلي في الفترة القادمة وسنة هتبقى صعبة عليا بس حلاوتها إني هقف على رجلي عشان أرجع النادي الأهلي رقم واحد من أول وجديد ومستني دعم الناس وفي الأخير بشكر اللعيبة صحابي كلهم و الأجهزة الفنية اللي عدت عليا ومبروك لجمهور الأهلي الثنائية وكل التوفيق".

يذكر أن لقاء نهائي الكأس يعد الأخير لعمرو جمال مع الأهلي حيث سيلعب الموسم المقبل رفقة بيدفيست الجنوب إفريقي معارًا لموسم واحد.