أكد محمد سراج عضو مجلس إدارة النادي الأهلي، أن هناك فيروسات منتشرة في الكرة المصرية منذ زمن.

وظهر العديد من مظاهر التعصب خلال الأيام القليلة الماضية من بعض المشجعين عبر مواقع التواصل الاجتماعي.

طالع أيضًا.. مصدر لـ بطولات: اللجنة الطبية بالشباب والرياضة تحسم مصير النشاط غدًا

ونشر سراج علي صفحته الرسمية بموقع التواصل الاجتماعي "فيس بوك": "بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر".

وتابع: "وفي فيروس تاني عيل لسه مستجد من الخارج الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر".

وواصل: "انا واحد مرضاش بإحداث اي نوع من أنواع الفتنة بينهم بأي شكل من الأشكال احنا في النهاية ولاد بلد واحدة، نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين".

وأكد: "المشكلة ان الفيروسات دي مختلفة عن الكورونا في حاجة وهي أن لها علاج بس العلاج لازم يجي من الدولة ويكون جذري الدولة اللي انا بحترمها وبقدرها عشان محدش يزايد عليا انا ابن مؤتمر الشباب ودايماً بكون فخور بده وظهوري الأول هناك في ٢٠١٦".

وأضاف: "وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل، اللهم بلغت اللهم فاشهد".