علق أحمد حسام ميدو المدير الفني لفريق مصر المقاصة الأسبق، على الأحداث الأخيرة والبيان الصادر من إدارة النادي الأهلي ضد تركي آل الشيخ.

وكان مجلس إدارة الأهلي قد قرر رفع اسم تركي آل الشيخ من قائمة رؤساء الشرف من النادي بسبب تصرفاته الأخيرة. طالع التفاصيل

وقال ميدو عبر حسابه الشخصي على موقع التواصل الاجتماعي "تويتر": "مع توقف كرة القدم في العالم كله توقفت المشاكل إلا عندنا الدنيا مولعة على طول!! كله ضرب".

وأوضح: "المشاكل اللي حصلت بديهية، الأهلي متعود إن أي حد يصرف وما يتكلمش وطبيعة تركي آل الشيخ مش كده، الراجل شخصية قيادية وعايز الأهلي يبرز دوره في أي حاجة بيعملها للنادي وده حقه".

وواصل: "أي حاجه عايمة ومش مبنية على الاتفاق من الأول في الآخر بتبوظ وبيبقى شكلها وحش وبتعمل مشاكل.. دي أساس المشكلة".

وأضاف: "الأهلي مشي بمبدأ تعالى بس اصرف وهنعملك اللي إنت عاوزه تعالى بس يا راجل الأهلي بيتك وبعد كده هوب لا اوعى تتكلم إحنا الأهلي ماعندناش الكلام ده!!".

وتابع: "الأهلاوية المعتدلين عارفين إن الكلام اللي بقوله صح ووالله لو كان نفس الكلام على الزمالك كنت هقوله".

واختتم: "أخيرا وده أكيد لو محمود طاهر كان رئيس الأهلي ماكانش أي حاجه من الكلام ده حصلت وهذا لا يقلل من حبي للكابتن محمود الخطيب واعتزازي الكبير به كلاعب وكشخصية محترمة جدا".