شن إبراهيم سعيد لاعب الأهلي والزمالك ومنتخب مصر السابق هجوما عنيفا على رضا عبد العال المدير الفني لفريق طنطا بعدما وجه له الأخير انتقادات على الهواء مباشرة.

وكان رضا عبد العال قد صرح غاضبا عبر وسائل الإعلام أن إبراهيم سعيد ينتقده في الإستوديوهات التحليلية وهو لا يفهم في كرة القدم. طالع التفاصيل

ومن جانبه رد إبراهيم سعيد خلال فيديو نشره عبر حسابه الشخصي بموقع التواصل الإجتماعي "تويتر"، قال فيه: "اهدا على نفسك ومتحزقش كتير ومتصدقش نفسك، وما بيني وبينك شغل، وبطل الهرتلة اهدا لأنني لا يفرق معي أي شئ".

وتابع: "أنا احترمتك لما كنت بتتريق عليا على الهوا ومكنتش بزعل لكن إنت تخطيت حدودك وفكرت إني مش هرد عليك لا ده أنا هرد عليك وأمسح بكرامتك الأرض وأوديك وأجيبك وأعصرك احترم نفسك".

وأتم: "أنا مش عم واعرف حدودك كويس، واللي بتتكلم عليه ده لعب لأكبر أندية في مصر ولعبت للمنتخب إللي انت ملعبتش ليه أساسا، أما موضوع إنك تاخد الشو في إنك تهاجم إبراهيم سعيد فأنا لو حطيتك في دماغي هزعلك، واللي بيني وبينك شغل عايز تطلع معايا في الاستوديو اطلع مش عايز أنت حر، إنت أساسا بتاخد المايك لوحدك وأنا بسيبك وبقول كابتني، اهدا علشان هزعلك وبعرف أهزق وبعرف أمسح بكرامتك الأرض".