وجه أحمد حسام ميدو لاعب ومدرب الزمالك السابق، رسالة إلى محمود جنش حارس القلعة البيضاء بعد أزمته مع كارتيرون أمس، كما أشاد بالفارس الأبيض بعد اقترابه من التتويج ببطولة الدوري المصري الممتاز.

الزمالك اقترب بشدة من حصد لقب الدوري رقم 13 في تاريخه، بعد الفوز على سيراميكا كليوباترا أمس بهدفين لهدف، ليصل إلى النقطة 76، ويفصله الفوز في مباراة واحدة للتتويج رسمياً بالدوري.

وقال ميدو عبر حسابه على موقع التواصل الاجتماعي "تويتر": "الأهلي عندما يفوز ببطولة، نقول براڤو الناس دي منظمين ويستحقون".

وأضاف: "الجديد اللي أول مرة أشوفه إن فيه أهلاوية كتير بيقولوا كلام غريب!، لجنة الحكام وتعليمات من فوق، ليه الناس (ماتقولش براڤو)".

وتابع: "الزمالك قفلوا على نفسهم واشتغلوا صح ويستحقوا يكسبوا، الزمالك اشتغل صح وبعيد عن المهاترات، الزمالك البطل".

وواصل: "لا توجد مثالية في الحياة ولا طبعا في الكورة، بس لازم نحترم بعض (واللي يشتغل صح نقدره ونسقفله)".

وأكمل: "الزمالك الموسم الحالي، (وقع وقام وقف على رجله وهيبقى بطل الدوري، البطل الحقيقي اللي لما بيخسر بيسقف للكسبان ويقولوا مبروك اشوفك السنة الجاية، هي دي روح البطل مش الكلام التعبان اللي بنسمعه!!".

وأستمر: "الزمالك فقد لاعبين مهمين في وسط الموسم لكن رجالته كان عندها إصرار يكسبوا ويعوضوا أي حد، لسه الدوري ماخلصش لسه 90 دقيقة، قاتلوا حتى النهاية، دوري الموسم الحالي، هيكون رسالة للولاد الصغيرة في النادي إن البطل لازم يقاتل مهما كانت الظروف".

وعن أزمة جنش مع كاريترون، قال: "زعلان من جنش جدًا لأني بحبه وعارف إنه جدع، الناس بتحبك يا جنش علشان عارفين إنك جدع نصيحتي ليك اوعى تفقد النقطة دي".

طالع | كارتيرون: جنش رفض الجلوس احتياطيًا وغادر معسكر الزمالك.. وأصبح خارج حساباتي

وأتم: "روح النادي اعتذر لزمايلك والجهاز واقفل الموضوع، كل الزمالكاوية بيحبوك".