وجه أحمد عبد القادر لاعب فريق الكرة بالنادي الأهلي، انتقادات قوية لبعض صفحات مواقع التواصل الاجتماعي "فيس بوك" المنتمية لجمهور القلعة الحمراء بسبب انتقاداتهم الدائمة له.

ونشر أحمد عبد القادر عبر صفحته على موقع التواصل الاجتماعي "فيس بوك": "جمهور الأهلي أكبر منكم (يا شويه هايفين) سواء الأهلي اليوم أو ماجيكانو (يا اللي بتقبضوا) الفلوس من أجل تعالوا هذه وتخفضوا ذاك".

وأكمل: "أنا موسم كامل صامت لم أفتح فمي ولن أفتح فمي ولكن هناك وقت لازم تتقوا ربنا فيه (جو الأدمن بتاعكو والفلوس اللي بتتوزع عليكوا) وقدام عيني واحد عرض عليا أعمل حملات (هجص ولقطة) وسنرفعك في السماء هذا ليس لي وأنا الله يكرمني لأني أعلم كيف أتعب وسأظل طوال عمري شريف (مش بتاع الف والفين جنيه) أبيع بهم كرامتي".

وأردف: "(بلاش انتوا علشان انتو لا تمسو للنادي الأهلي بأي شيء)، والنادي الأهلي أكبر نادي في العالم مش في مصر (فا اللي انتو عاوزينو ده مبعملوش) والإجازة يا انا يا صفحاتكوا اللي كلها نفاق ورشاوي".

طالع.. عاجل ورسميًا | الأهلي يعلن رحيل سيد عبد الحفيظ عن منصب مدير الكرة

وأشار: "أقولها لأخر مرة أنا بتاع شغل مش بتاع رشاوي وبعدين لقطة ركز داخل الملعب وسيبك منهم رد في الملعب رد في الملعب، (ايه ما تنضجوا شوية لما حد يأخذ فلوس ويغلط فيك سنة كاملة وأكتر ويشتم أهلك تقولي رد في الملعب".

واختتم: "لما ترد يقولك (متركزش معاهم) مين قال أنهم فارقين معايا أصلا ولو أنتو فعلا عندكم ذره ثقة (وقلبكو كان جايبكو مكنش البوست) اتمسح بعد ساعة علي طول بس أنا اللي هنزله صباح الفل وجمعه مباركة".