يرى أحمد حسام ميدو، المدير الفني السابق لفريق وادي دجلة والمحلل الرياضي، أن حزن الجماهير المصرية لخسارة منتخبها الوطني من روسيا، أمر إيجابي.

وخسر منتخب مصر، أمام نظيره الروسي بثلاثية مقابل هدف واحد، في المباراة التي جمعت بينهما مساء أمس الثلاثاء، في الجولة الثانية من دور المجموعات بكأس العالم.

وكتب ميدو، عبر حسابه الشخصي على "تويتر": "كويس إن مصر كلها زعلانة إن احنا طلعنا بالشكل ده مِن المونديال ده دليل إن إحنا المرة اللي جاية مش هنكتفي بس بالصعود ولكن هنبقى عايزين نعمل كاس عالم كويس وده كلام كويس جدا علشان نمشي لقدام ونتطور!!".

وأضاف: "أهم حاجه لازمً نحترم كوبر وجهازه ولازم ماننساش الإنجاز اللي عملوه ماينفعش نبقى جاحدين!!".

وتابع: "الناس دي استلمت المنتخب مابيوصلش كاس أمّم بقاله ٣ مرات ووصلونا نهائي كاس الأمم ووصلونا كاس عالم يبقى ماينفعش ننسالهم كل ده!! الناس دي محترمة أخلصت في كل يوم ودقيقه في عملهم!!".

واستطرد: "دلوقتي مصر كلها داقت لذة وحلاوة التواجد في كاس العالم ولازم كلنا نفكر إزاي نعمل كل حاجة علشان نبقى موجودين في كاس العالم اللي جاي وإزاي لما نبقى موجودين ما نظهرش بالمستوى ده، ويكون شكلنا أحسن ونعمل نتائج أفضل!!".

يُذكر أن حظوظ تأهل منتخب مصر عن المجموعة، أصبحت معقدة، إذ يتذيل "الفراعنة" المجموعة، فيما يتصدر منتخب روسيا بـ 6 نقاط، وفي الوصافة منتخب أوروجواي بـ 3 نقاط، وثالثًا السعودية دون رصيد.